ئایا حەز دەکەی بە شێوەی ئۆنلاین، وەکوو ڕاوێژکارێک لە بواری دەروونناسییەوە هاوکاری بکەیت؟
کازیوە ئەو هەلەی ڕەخساندووە تاکوو که‌سانی خاوەن ئەزموون و توانا لە بواری دەروونناسییەوە بتوانن وەک یەکێک لە ئەندامانی تیمی ڕاوێژکاری هاوکاری بکەن.
دەسا ئه‌گه‌ر دەروونناسێکی بەئەزموونی و حه‌ز دەکەی بە شێوەی ئۆنلاین لە فەزایەکی پڕ لە چالاکی و زیندوو کار بکەیت، گەلێک هەلی سه‌رنجڕاکێش چاوەڕوانتە.
ژینگه‌یەکی چالاك و هاندەر بۆ کارکردن: ئێمه یارمەتیتان دەدەین تا له جەغزێکی دۆستانە و هاندەر، شارەزایی و تواناکانتان بۆ خزمەت بە خەڵک بەکار بێنن.
گەشە و پێشکەوتی زیاتر: به هاوكاری لەگەڵ ئێمە، دەتوانن بەشداری لە كۆرس و خولە فێرکارییەگانی تایبەت بە دەروونناسی بکەن و گەشە بە توانا و زانیارییەکانتان بدەن.
هاوسەنگی و سازان: كاركردن له ڕێگەی دوور و بە چەشنی ئۆنلاین، ئەو هەلەتان بۆ دەڕەخسێنێ کە له نێوان ژیانی كاری و تاکەکەسیتان هاوسەنگی دروست بكه‌ن.
ئه‌زموونی زیاتر: بە ڕاوێژدان بە خه‌ڵكی جیاواز و ڕووبه‌ڕووبوونه‌وه لەگەڵ پرس و كێشه جیاوازه‌كان، دەتوانن لە گەلێک ئه‌زموونی بەهەندتر و زیاتر بەهرەمەند بن.
هەموو ئەو بەڕێزانەی خاوەن بڕوانامەی ماستەر یان دکتۆرا لە بوارەکانی دەروونناسی، ڕاوێژکاری یان بوارە پەیوەندیدارەکانی دیکەن.
ئەو کەسانەی کە دەتوانن بە شێوەی ئۆنلاین و بە چەشنێکی باش و بەهێز، لەگەڵ ڕاوێژخوازان پەیوەندی بگرن.
ئەو کەسانەی کە حەزیان لە فێربوون و گەشەی بەردەوامە و دەیانهەوێ پەرە بە توانا و زانیارییەکانیان بدەن.
ئەگەر خوازیاری هاوکاری لەگەڵ کازیوەن، ئەم فۆرمەی خوارەوە پڕ بکەنەوە و بینێرن.
بە هاوکاری لەگەڵ کازیوە، بۆ بەرزکردنەوەی ئاستی تەندروستیی دەروونی کۆمەڵگە هەنگاو بنێن.
تامەزرۆین تا پەیوەندیمان لەگەڵ بگرن و بە چەشنێکی کاریگەر، هاوکاریتان دەست پێ بکەن.
ژیانی دڵخواز تەنیا هەبوونی خولیا و ئارەزوو نییە، پێویستە ڕێگەیەکی شیاو هەڵبژێرین و لەسەری ڕاوەستاو و بەردەوام بمێنینەوە. بۆ هەنگاونان لەو ڕێگەیەدا بە ڕاوێژکاریی پسپۆرانە لەگەڵتانین و لە هەموو بەستێنەکانی دەروونناسی، هاوڕێ و پاڵنەرتان دەبین…
مافی هەموو جۆرە دەستڕاگەیشتن بە بەرهەم و ناوەڕۆکەکانی ئەم ماڵپەڕە هی کازیوەیە و هەر چەشنە لاساکردنەوە و لەبەرگرتنەوەیەک بەبێ ڕەزامەندی بەڕێوەبەرایەتی، قەدەغە و نایاساییە.