دەمەقاڵەی دایک و باوک و منداڵ: شێوازەکان بۆ کەمکردنەوەی گرژی و بەهێزکردنی پەیوەندی کاریگەر
دەمەقاڵەی دایک و باوک و منداڵ، بە تایبەت لەسەر پرسە ڕۆژانەکانی وەک پۆشینی جل و بەرگ، خواردن، یان یاریکردن، کێشەیەکی باوە لە پەروەردەکردنی منداڵدا. زۆرێک لە دایک و باوکان نازانن چۆن پەیوەندی لەگەڵ منداڵەکانیان بکەن بەبێ ئەوەی گرژی دروست بکەن و لە ئەنجامدا دەمەقاڵە دەبێتە هۆی گریان و هاوارکردن و مشتومڕ. لەو بابەتەدا لەهۆکارەکانی دەمەقاڵەی دایک و باوک و منداڵ دەکۆڵینەوە و چارەسەری کردەیی بۆ کەمکردنەوەی گرژییەکان دەخەینەڕوو.
بۆچی منداڵان لەکاتی دەمەقاڵە لەگەڵ دایک و باوکیان پەنا دەبەنە بەر گریان و هاوارکردن؟
منداڵان بە تایبەت تەمەنی نێوان ٢ بۆ ٦ ساڵ هێشتا توانای کۆنترۆڵکردنی هەستەکانیان نییە و بە ناتوانن بە وردی ئارەزووەکانیان دەرببڕن. کاتێک دایک و باوک:
- قسەیان دەبڕێ
- داواکارییەکانیان بەبێ ڕوونکردنەوە ڕەتدەکەنەوە،
- فەرمان دەدەن لەبری قسەکردن،
منداڵەکە هەست بە بێدەسەڵاتی و پشتگوێخستن دەکات و بۆ ئەوەی سەرنجی خەڵک ڕابکێشێت، ڕوو لە گریان، هاوارکردن، یان شەڕانگێزی دەکات.
کاریگەری نەرێنی دەمەقاڵە لەسەر منداڵان
- کەمبوونەوەی بەرزەخۆیی(هەستکردن بە بێ بەها و ناڕەزایی لەلایەن دایک و باوکەوە)
- زۆربوونی دڵەڕاوکێ و فشار (هەستکردن بە نائەمنی لە ژینگەی خێزانەکەدا)
- فێربوونی ئاکاری شەڕانگێزانە ( لاسایی کاردانەوە توندەکانی دایک و باوک)
۵ شێوازی کاریگەر بۆ کەمکردنەوەی دەمەقاڵە لەگەڵ منداڵان
۱. گوێگرتنی چالاک بەبێ پچڕان
- با منداڵەکە ئەوەی دەیڵێت تەواویبکات، تەنانەت ئەگەر مانایەکیشی نەبێت.
- نیشانی بدە کە قسەکانی گرنگن لەگەڵ چاوپێکەوتن و دووپاتکردنەوەی زارەکی (وەک “تێدەگەم”).
۲. ڕێزگرتن لە هەڵبژاردنەکانی منداڵ (لە چوارچێوەی سەلامەتدا)
- ئەگەر داواکاری منداڵەکە مەترسیدار نەبوو (وەک لەبەرکردنی جل و بەرگی تەنک لە کەشوهەوای سارددا)، با تاقیبکاتەوە.
- بۆ نموونە ئەگەر سەرما بوو، تێدەگات کە پێویستە جارێکی تر جل و بەرگی گەرمتر لەبەر بکات.
۳. بەکارهێنانی قسەی ئەرێنی لەبری ڕێنمایی نەرێنی
- نەخێر، ئەوە لەبەر مەکە!
- “پێت وایە بەوجلەوە گەرم دەمێنیەوە؟ با چاکەتێکیشمان دەست بکەوێت.”
۴. پێدانی هەڵبژاردنی سنووردار
- لەبری ئەوەی زۆرەملێ بکەیت، دوو بژاردەی قبوڵکراو بدە بە منداڵەکەت:
- دەتەوێت ئەمڕۆ بلوزێکی شین یان سوور لەبەر بکەیت؟
۵. فێرکردنی چارەسەرکردنی کێشەکان لەبری سەپاندنی بۆچوونێک
- لە کاتی ناکۆکی لە منداڵەکەت بپرسە: “بەڕای تۆ چارەسەر چییە؟”
- ئەوەش توانای بڕیاردان و بیرکردنەوەی بەهێزتر دەکات.
دەرەنجام: چۆن پەیوەندی باشتر لەگەڵ منداڵەکەت بکەیت بەبێ ئەوەی دەمەقاڵەد دروست بێت؟
- سەبر بگرە و پێش وەڵامدانەوە دەرفەتێک بدە بە منداڵەکەت قسە بکات.
- پشتگیری ئەزموونە سەلامەتەکان بکە بۆ ئەوەی منداڵەکەت بتوانێت وانەی ژیان فێربێت.
- لەبری ئەوەی فەرمان بدەیت، گفتوگۆیەک بکە تا هەست بە بەهای خۆی بکات.
بە پەیڕەوکردنی ئەو بنەمایانە، دەمەقاڵەی ڕۆژانە کەم دەبێتەوە و پەیوەندی دایک و باوک و منداڵ بەهێزتر و ئارامتر دەبێت.
