من ئەفسانە ئەحمەدی ئازەر

دەروونناس و چارەسەرکاری گەورەساڵانم و بە ئامانجی بەرزکردنەوەی ئاستی تەندروستی دەروونی و کەمکردنەوەی ئازاری سۆزداری و دەروونی تاک، هەنگاوم ناوەتە سەر ڕێگای ناسینی قووڵتری ئەزموونی ناوەکی مرۆڤ.

لە کۆبوونەوەی چارەسەرکردندا، هەوڵی من ئەوەیە کە ژینگەیەکی سەلامەت، هاودڵانە وبە بێ حوکمدان دروست بکەم. کە تێیدا چارەسەرخوار بتوانێت ڕووبەڕووی هەست، بیرۆکە، ململانێ و ئەزموونی پشتگوێخراوی ببێتەوە.

لە کاری کلینیکیمدا، بە لەبەرچاوگرتنی تایبەتمەندی ناوازەی هەر چارەسەرخوازێک، چەندین ڕێبازی زانستی و کاریگەر بەکاردەهێنم، وەک:

چارەسەری دەروونی داینامیکی کورتخایەنی چڕ (ISTDP ): ڕێبازێک لە سەر بنەمای بەڵگە کە گرنگی بە ناسینی هەستی سەرکوتکراو، کەمکردنەوەی بەرگری نائاگا و دەسگەیشتن بە ڕەگ و ڕیشەی ململانێ ناوخۆییەکان دەدات. یارمەتی ئەو چارەسەرخوازە دەدات کە تووشی دڵەڕاوکێی درێژخایەن، خەمۆکی قووڵ، کێشەی دەروونی جەستەیی، یان پەیوەندی سۆزداری ئاڵۆز و زەبربەخشە.

چارەسەرێک لەسەر بنەمای قبوڵکردن و پابەندبوون (ACT):  ئەم ڕێبازە بە جەختکردنەوە لەسەر قبوڵکردنی ئەزموونی ناوەکی، زۆرکردنی نەرم و نیانی و ژیان لە چوارچێوەی بەهای تاکی، یارمەتی چارەسەرخواز دەدات مانا و ئاراستەی تازە لە ژیانیدا بدۆزێتەوە. بۆ ئەو کەسانەی کە تووشی بیرۆکەی مزاحیم، دوورکەوتنەوەی سۆزداری، کامڵخوازین، یان بۆ ئەوەانەی کە هەست دەکەن گیریان خواردوە لە ژیاندا، بەسوودە.

سکیمادەرمانی (Schema therapy) : ئەم ڕێبازە سەرنجی لەسەر دەستنیشانکردن و ڕاستکردنەوەی ئەو شێوازە قووڵ و ناکارامەیە کە زۆرجار ڕەگ و ڕیشەی دەگەڕێتەوە سەر کاتی منداڵی و لە پێوەندییەکانی گەورەساڵیدا دووبارە دەبنەوە. ئەم ڕێگایە بۆ ئەو کەسانە گونجاوە کە لەگەڵ کێشەی وەک پێوەندی سۆزداری گرژ، هەست بە ڕەتبوونەوە، بێ بەهایی، زۆر هۆگربوون تێکەڵن ، یان  ئەو نەخش و شێوازەی دووبارە دەبێتەوە لە بڕیاردان و پێوەندییەکاندا.

سەرنجی تایبەتمەندی من کارکردن لەگەڵ ئەو کەسانەیە کە لەگەڵ خەمۆکی، دڵەڕاوکێی درێژخایەن، ئەو کێشەی کە لە پێوەندی سۆزداری ناکارامەوە سەرچاوە دەگرێ، ململانێی ناوخۆیی بەردەوام، زەبر و زەنگی سۆزداری کاتی منداڵی، و هەستکردن بە بەتاڵی یان ناڕەزایی قووڵ لە خود یان ژیان رووبەڕوو دەبنەوە.

لە کارکردن لەگەڵ چارەسەرخوازەکاندا، هەوڵدەدەم سەکۆیەک دابین بکەم بۆ تێگەیشتنێکی قووڵتر، زۆرکردنی خۆئاگاداری  و توانای هەڵبژاردنی جیاواز و تەندروستتر لە ژیاندا، بە یارمەتیدان بۆ ناسینەوە و ئەزموونکردنی هەست و سۆزی سەرکوتکراو، تێگەیشتن لە نەخش و شێوازی نائاگا کە لە پەیوەندی سەرەتاییدا دروست دەبن، ئاگاداربوون لە سکیمای ناکارامە و ڕاهێنان بۆ قبوڵکردنی ئەزموونی ناوەکی و سەخت.

چارەسەرکردن، پرۆسەیەکی هاوبەش، چالاک و وردە وردەیە کە تێیدا چارەسەرخواز بە هاوڕێیەتی من، هەنگاو بە هەنگاو بەرەو ڕزگاربوون لەو سووڕەی ئازار تێیدا دووبارە دەبێتەوە و بەرەو ژیانێکی مانادارتر دەڕوا.