2 پرسیار و وڵام

1. دڵم خەفەیە، دایکم مرد و منیش مردوم، مانگێک بوو قسەمان نەبوو، دڵم ئێشابوو لێی، چومەوە دانشگا لەداخان مانگێک لێم نەپرسی، بەیانییەک هەستا چوو نان وەرگرێ وەبەر ماشێن کەوت و مرد . فریا نەکەوتم بیبینم. هوموو ڕۆژ دەچم قوڕی قەبران بەسەرم دەکەم . خۆزگە بمرم تازە خۆشی دنیام ناوێ .

   وەڵامدانەوە

   1. سڵاو ڕێز ‌
      سپاس بۆ ئەوی کازیوه‌ت هه ڵبژاردووە بو وەڵامی پرسیارەکەت
      بە شێوەیەکی گشتی،بابەتی خەم و پەژارەی لە دەستدانی خۆشەویستان بارگرانییەکی نەرێنی زۆر بۆ هەمووکەسێک دەهێنیت،بەتایبەتی قبووڵکردنی مردنی دایک،وەک کەسێک کە لە مندالێەوە لە قووڵترین تاستدا پەیوەندی پێوە دەبەستین،بارێکی سۆزداری قورستر بۆ ئێمە دروست دەکات،کاتێک خۆشەویستێکمان لە دەست دەدەین،نیشانەکانی شۆک،سڕبوون،خەمباری،سەرلێشێواوی،خەمۆکی،توڕەیی و…دەبینین
      هەندێک جار،جگە لە نیشانەکانی دەروونی و ڕۆحی،تووشی کێشه ی جەستەییش دەبین وەک لە دەستدانی وزە،نیگەرانی،تێکچوونی خەو،دابەزینی کێش و…
      ئەم هەستی تاوانە،لەگەڵ ئازاری ویژدان کە بە هۆی ناکۆکی چارەسەرنەکراوی نێوان تۆ ودایکت دروست بووە،لەبەر ئەوی هیچ دەرفەتێک بۆ ئاشتبونەوە بووت نەڕەخساوە،نیشانەکانی چڕتر کردوی
      کێشەو ناڕەحەتی لە هەموو خێزانێکدا هەیە و هەندێک جار ناکۆکیمان لەگەڵ یەکێک لە ئەندامانی خێزاندا بو پێش دی و هر کەسێک بە پێی میزاجی خۆی کاردانەوەی هەیە،دوورکەوتنەوە و قسە نەکەکردن لە و حاڵە تانە داکاردانەوەیەکی تەواو سروشتیە
      کەس نازانی لە داهاتوودا چی ڕوودەدا،بە دڵنیاییەوە ئەگەر بدزانیبایە ئەو ڕووداوە بو دایکت پێش دی،هەرگیز خۆت لێی دوورنەدەخستەوە،لەبەر ئەوە هەستی نائومێدی و سەرزەنشتی خۆت پەیوەندی بە کێشەکەی نێوان تو و دایکتەوە نیا بەهەر حال ئەم نیشانانەت ئەزمون دەکروو،لەوانەیە بەچڕی کەمتر
      باشترین و کاریگەرترین رێگا بو تێپەراندنی ئەم ڕووداوە سەختە شیوەنە،شییوەن بگێرە و هەستەکانت کپ مکە،لە خەم ڕامەکە،بەڵکو هەوڵ بدە وەک کراسێکی قورس و خنکێنەر لەبەری نەکی،باسی بیرەوەرییەکانت لەگەڵ دایکت بکە،ڕێگە بدە ئەندامانی خیزانکەت لە تەنیشتتبن و هاوسۆز بن لەگەڵت،شتێک بۆ یادی دایکت بکە بو نموونە کارێکی خێرخوازانە بکە،کات بدە بە خوت،مردنی خۆشەویستان،بە تایبەت دایک،یەکێکە لە رووداوە دڵتەزینانەی کە کاتێکی زۆر دەویت تا قبووڵکری،ئەگەر هەستە نەرێنییەکان کاریگەری لە سەر کارەکانی روژانەت هەیە بۆ ماوەی شەش مانگ بەردەوام بێت،ئەوە جێینیگەرانی نییە،بەام ئەگەر درێژەیکێشا و هێست نەتوانیوە ببگەڕێیەوە بۆ ژیانی ئاسایی خۆت یا لە قوناغێکی خەمباریدا گیرت کردووە،دەبێت بە دلنیاییەوە داوای یارمەتی لە ڕاوێژکار یان دەروونناسێک بکەیت بۆ چارەسەرکردنی کێشەکەت

      وەڵامدانەوە