من پەروین کەدخوداموحەممەدیم
دەرچووی دەروونناسی کلینیکی،
پسپۆڕم لە بواری چارەسەری دەروونی تاکەکەسی و نەخۆشییەکانی دڵەڕاوکێ (وەسوەسە و پانیک، ترس، فۆبیای کۆمەڵایەتی، فۆبیا) و کارامەیی ژیان و سێکسۆلۆژی.
بە ڕێبازی زانینی CBT (مەعریفی ڕەفتاری)، چارەسەری سکیماتڕاپی و زەینئاگایی (mindfulness)، شێوازەکانی وەک لابردنی هەستیاری و نوقمکردنی سیستەماتیکی و تەکنیکەکانی پەیڕەوی کردن بۆ گۆڕینی ئاکار دەست دەکەین بە کەمکردنەوەی دڵەڕاوکێی چارەخواز ، بۆ ئەوەی چارەخواز بتوانێت هەنگاو بە هەنگاو ڕووبەڕووی ترس و دڵەڕاوکێی خۆی ببێتەوە.

هەموومان هەر لە ساتەوەختی لەدایک بوونمانەوە هەندێک پێداویستی سەرەتایی جەستەیی و دەروونیمان هەیە و بۆ مانەوەمان کە دەبێ دایک و بابمان وەڵامی بدەنەوە، بەڵام بە هەر هۆکارێک ڕەنگەنەیانتوانی بێت وەڵام بدەنەوە کە ئەوە دەبێتە هۆی بارگرانی دەروونی لە گەورەساڵیدا.

بەڵام لە دانیشتنەکانی ڕاوێژکاری، دەروونناس بە شێوەیەک ڕێنماییمان دەکات کە نەخشە ناوەکییەکانمان ئاشکرا بێت و بارودۆخێک دروست دەکات کە تێیدا شێوازە سۆزدارییەکان و لەدەستدانەکانمان لە کارلێککردن لەگەڵ دەروونناسێکی هاوسۆز و لە ژینگەیەکی تەواو سەلامەتدا زیندوو بنەوە و تاک نەخشی نوێ دەدۆزێتەوە. هەروەها چارەخواز دەتوانێت لەدەستدانی سۆزداری و بێبەشبوون و نەبوونی خۆشەویستی دەستنیشان بکات کە لە منداڵیدا تووشی بووە و ئازارێکی دەروونی زۆری بۆ بەجێهێشتووە. لە پڕۆسەی چارەسەرکردندا دەتوانێت بیروباوەڕە شێواوەکانی دەستنیشان بکات و ڕێگاکانی گۆڕینی بدۆزێتەوە، هەروەها دەتوانێت لەگەڵ منداڵی ناخیدا ئاشتبێتەوە.

ئامانجم وەک دەروونناسێک ئەوەیە کە ژینگەیەکی سەلامەت و پڕ لەهاوسۆزی لە دانیشتنی چارەسەرکردندا دروست بکەم بە هاوسۆزی و هاوسەنگی و گرنگیدانی بێ مەرج بۆ ئەوەی چارەخواز بتوانێت لە پرۆسەی چارەسەرکردندا بە شێوەیەکی دروست بەرەو پێشەوە بچێت و هاوسەنگی لە نێوان ئەزموونە ژیاوەکانی و چەمکەکانی خۆیدا جێگیر بکات، هەروەها بۆ ئەوەی چارەخواز بتوانێت بەدیهێنانی خۆی و خۆ قبوڵکردن لەسەر ئەم ڕێگایە بەدەستبهێنێت و هەروەها بتوانێت هەنگاو بنێت بەرەو ئارەزووەکانی، بۆ ئەوەی ببێتە ئەو کەسەی کە بەڕاستی دەتوانێ ببێ.

بواری چالاکییەکان:

وەسوەسە، دڵەڕاوکێ، ترس، خەمۆکی

چارەسەری سێکسی و تواناکانی ژیان

بە ڕێبازی: زانینی (مەعریفی و ڕەفتاری) CBT ACT قبوڵکردن و پابەندبوون و زەینئاگایی (mindfulness)-سکیماتڕاپی - چارەسەری بەکۆمەڵ (گروپتڕاپی)

بەشداریکردن لە وۆرک شۆپەکانی پەروەردەیی:

▪️تێپەڕاندنی وۆرک شۆپی ١٦ کاتژمێری لەسەر ڕاهێنانی، ڕاهێنەری کارامەیی و زانیاری ئاکار

▪️تێپەڕاندنی خولی تایبەتی ٤٨ کاتژمێر لە بواری چارەسەری منداڵان

▪️تێپەڕاندنی خولی تایبەت بە سێکسۆلۆژی بۆ ماوەی ٨٠ کاتژمێر

▪️تێپەڕاندنی خولی تایبەت لە قوتابخانەی دەروونناسی 1403

▪️تێپەڕاندنی وۆرکشۆپێکی ڕاوێژکاری پێش هاوسەرگیری بۆ ماوەی ١٦ کاتژمێر

▪️بەڕێوەبردنی وۆرکشۆپی پەروەردەیی

▪️ئەنجامدانی وۆرکشۆپێک لەسەر زیانناسی (نەخۆشیناسی) نەخۆشیەدەروونیەکان

▪️ئەنجامدانی وۆرکشۆپێک لەسەر تواناکانی ژیان

▪️ئەنجامدانی وۆرکشۆپێکی پەروەردەکردنی منداڵ

▪️ئەنجامدانی کۆبوونەوەکانی چارەسەری گروپی بە شێوەی دانیشتنی چاوپێکەوتن و ئۆنلاین

ئامانجم لە دابینکردنی پیشەیەکی زانستی لابردنی ئاستەنگ و بەربەستەکانە لەسەر ڕێگاکەت و پێشکەشکردنی پاڵپشتی کەسی، واتە ئاگاداربوون لە بەهرەی دەروونت و گەشەکردن لە ژیاندا و گەیشتن بە پێگەیشتنی کەسی.

هەرکاتێک لە بارودۆخە جیاوازەکانی ژیاندا ڕووبەڕووی ئاستەنگ بوویەوە،
قسەکردن لەگەڵ ڕاوێژکارێک دەتوانێت یارمەتیدەر بێت بۆ ڕوونکردنەوەی ڕێگاکەت.