من پەرشەنگی بەهرامیان، دەرچووی ڕەدەی کارناسی ڕاوێژکاری لە زانکۆی خارەزمی و ماستەر لە بواری ڕاوێژکاری خێزان لە زانکۆی کوردستانم. پسپۆڕی من لە بواری چارەسەری دەروونی تاکەکەسی و ڕاوێژکاری خێزانییە، و بە پشتبەستن بە چەندین ساڵ ڕاهێنانی تایبەتمەند و ئەزموونی کلینیکی، بەرەو یارمەتیدانی خەڵک بۆ بەدەستهێنانی هاوسەنگی دەروونی، کوالیتی باشتری پێوەندی ، و گەشەکردنی تاکی هەنگاو دەنێم.

توانای پیشەیی من بریتیە لە چارەسەری دەروونی، کارکردن لەگەڵ هاوژینەکان لە بواری ململانێی هاوسەرگیری، ڕاوێژکاری پێش هاوسەرگیری، بەڕێوەبردنی خەم و لەدەستدان، دووبارە بنیاتنانەوەی دوای خیانەت یان شکستی خۆشەویستی، توانایی پەروەردەکردنی منداڵ و باشترکردنی تواناکانی ژیان. هاوکات لەگەڵ ئەم بابەتانەدا، هاوڕێیەتی چارەسەرخوازەکان لە ئەزموونە سەختەکانی ژیاندا و یارمەتیدانیان بۆ دۆزینەوەی ڕێگایەکی ڕوونتر بۆ داهاتوو بەشێکی سەرەکی و بەنرخی کاری منە. ڕۆشتن بۆلای ڕاوێژکار نیشانەی لاوازی نییە، بەڵکو نیشاندەری هۆشیاری، بوێری و بەرپرسیارێتی بەرامبەر بە تەندروستی دەروونی و کوالیتی ژیانە.

لە جیهانێکدا کە خێرایی زۆر، فشاری ڕۆژانە و ئاڵۆزی پێوەندی نێوان مرۆڤەکان، کاریگەرییان لەسەر زەین و دەروونمان داناوە، هەندێکجار تەنها پێویستمان بە گفتوگۆیەکی پسپۆڕانە و سەلامەت و هاودڵانەیە بۆ ئەوەی گرێی دەروونیمان بکرێتەوە، یارمەتیمان بدات خۆمان باشتر بناسین و بۆ داهاتوومان هەڵبژاردنی تەندروستتر بکەین.
لە دونیای خێرای ئەمڕۆدا، چارەسەری دەروونی و ڕاوێژکاری نەک هەر بۆ ئەو کەسانەی کە ڕووبەڕووی قەیرانی سەخت دەبنەوە، بەڵکو ڕێگایەکە بۆ ناسینی خۆمان بە شیوازێکی قوڵتر، گەشەکردنی دەروون و دروستکردنی پێوەندی تەندروستتر. وە لە هەلومەرجی ئێستادا، نیگەرانی دەروونی و لە نێوان کەسەکان بووەتە بەشێکی دانەبڕاو لە ژیانمان.
دڵەڕاوکێ، فشاری ڕۆژانە، ئاستەنگی پێوەندی، ململانێی خێزانیی، شکستی خۆشەویستی یان ئەزموونی لەدەستدان هەموویان دەتوانن لە هاوسەنگی دەرمانبهێنن. لەم جۆرە بارودۆخانەدا چارەسەری دەروونی و ڕاوێژکاری هەڵبژاردنێکی لوکس نییە، بەڵکو پێویستییەک بۆ پاراستنی کوالیتی ژیان، تەندروستی دەروون و پێوەندی مرۆڤە. چارەسەری دەروونی دەرفەتێکە بۆئەوەی خۆت قووڵتر بناسیت، لە شێوازەکانی ئاکاری و پێوەندی تێبگەیت، بۆ ژیانێکی پڕماناتر ڕێگەی نوێ بدۆزیتەوە. سوودوەرگرتن لە ڕاوێژکاری تایبەتمەند دەتوانێت ببێتە خاڵی دەستپێک بۆ گۆڕانکاری، ڕزگاربوون لە سووڕی دوبارەبوو، دروستکردنی داهاتوویەکی تەندروستتر.
ئەگەر هەست دەکەیت کاتی ئەوە هاتووە هەنگاوێکی هۆشیارانە بۆ خۆت و پێوەندییەکانت دا بنێی، ئێرە بۆ دەستپێکردن جەوێکی سەلامەتە .

سنووری خزمەتگوزاری من تەنیا چارەسەرکردنی کێشەکان نیە، بەڵکو باشترکردنی توانای دەروونی و کۆمەڵایەتیشە:
ڕاوێژکاری پێش هاوسەرگیری بۆ هەڵبژاردنێکی ئاگادار، چارەسەری هاوژینەکان بۆ دووبارە بنیاتنانەوە یان بەهێزکردنی پێوەندی، ڕاهێنانی کارامەیی ژیان بۆ بڕیاردانی باشتر، بەڕێوەبردنی هەستەکان، پێوەندی کاریگەر و چارەسەرکردنی کێشەکان و ڕاوێژکاری بۆ خەم ، خیانەت، شکستی خۆشەویستی و پەروەردەکردنی منداڵ.

بواری پەروەردە:

خولی گشتگیری مەشق و سەرپەرشتی (ڕاهێنانی ڕاوێژکار و دەروونناس) – 500 کاتژمێر
خولی گشتگیری ڕاهێنانی دەروونناسی هاوژینەکان – ١٢٠ کاتژمێر
خولی ڕاهێنانی چارەسەری دەروونی ئێگزیستانسیاڵ – ١٠٠ کاتژمێر
خولی ڕاوێژکاری سێکسی – ٨٠ کاتژمێر
ڕاهێنەرایەتی تواناکانی ژیان – ٨٠ کاتژمێر
خولی مەشقی تایبەتمەند بە ڕێبازی تەرکیز کردن لەسەرچارەسەر _160
خولی چڕ و پڕی دەستێوەردان لە قەیران لەگەڵ دکتۆر حامید پوورشەریفی – ٤٠ کاتژمێر
خولی ڕاهێنانی دەروونناسی منداڵان و هەرزەکاران – ١٢٠ کاتژمێر

بواری چالاکی:

ڕاوێژکاری خێزان و دەروونناس
ڕاوێژکاری تاکەکەسی (خەمۆکی، تێکچوونی وەک دڵەڕاوکێ، ترس، وەسوەسە و...)
دەروونناسی هاوژینەکان و ڕاوێژکاری سێکسی
ڕاوێژکاری پێش هاوسەرگیری
دەستێوەردان لە ناپاکی، خەم، تەڵاق و شکستی ئەوینداری
ڕاوێژکاری منداڵان و هەرزەکاران
مامۆستای پەروەردەی خێزان

ئەو وۆرک شۆپانەی بەڕێوەچوون:
1.وۆرکشۆپی پەروەردەی خێزان
2.وۆرکشۆپی کارامەیی ژیان (کارامەیی ئاگاداری لە خود، بەڕێوەبردن و کۆنترۆڵکردنی توڕەیی، بڕیاردان و...)
3.وۆرکشۆپی پەروەردەی پێش هاوسەرگیری بە شێوازێکی زنجیرەیی (زانستی سەبارەت بە هاوسەرگیری)
4.وۆرکشۆپی پەروەردەی زانستی سەبارەت بە ژیانی هاوبەش
5.وۆرکشۆپی کارامەیی پەروەردەکردنی منداڵ بە چەند بابەتێکی جیاواز
6.وۆرکشۆپی زیانناسی دەروونی و کۆمەڵایەتی هەرزەکاران
7.وۆرک شۆپی سەبارەت بە چۆنیەتی کارلێکی دایکان و باوکان لەگەڵ ئاستەنگی تەمەنی هەرزەکاری
8.وۆرکشۆپی ڕاهێنانی خۆپاراستن لە خۆکوشتن (پلانی بێتا)
9.وۆرکشۆپی زیانناسی دەروونی ژنان

ئامانجی من پێشکەشکردنی پشتیوانی پیشەیی و زانستییە لەسەر ڕێگای گەشەکردنی تاک، باشترکردنی پێوەندییەکان و بەرزکردنەوەی کوالیتی ژیان. بۆ وەرگرتنی ڕاوێژکاری و دەستپێکردنی ئەم ڕێگای دەتوانن لەگەڵم لە پێوەندیدا بن.